Aatsitassarsiorneq | WWF Denmark

Aatsitassarsiorneq



 rel=
Olieefterforskning ud for Nuuk, Grønland
© Rune Langhoff / WWF

Suliffissuaqarnikkut ineriartorneq nutaanik unammilligassaqartitsivoq

Issittumi pissutsit pillugit politikkikkut annertuumik sunniutilinnik ukiuni makkunani sulissutiginnittoqarpoq. Siku aakkiartuinnartillugu nunarsuatsinni imaatigut aqqutissat avannarpasinnersaat aqqutigineqarsinnaalissaaq. WWF-ip siunertaraa Issittumi pinngortitamut atatillugu ineriartornerup sapinngisamik mingutsitsinertaqanngitsumik ingerlanissaata qulakkeernissaa.

Niuernikkut aqqutigineqarsinnaasut nutaat kiisalu aatsitassarsiornermi takornariaqarnermilu periarfissat nutaat immap sikuata aakkiatornerata malitsigisussaavai. Silap pissusaata qanoq allanngoriartornera aallaavigalugu aningaasarsiornermi politikkikkullu isumannaallisaanermi soqutigisat annertoqisut saqqummerarput. Periarfissat nutaat tamakkua aamma avatangiisinut pinngortitamullu atatillugu unammilligassanik malitseqarput.

Uulia, gassi atortussiassallu

Issittumi uuliamik, gassimik atortussiassanillu tunisassiorneq annertusiartortillugu issittumi pinngortitap ulorianartorsiortinneqarnera aamma annertusiartuinnarpoq. Siornatigut eqqissisimaffiusuni suliffissuaqarnermi pissutsit ilaatigut akornusersuimmata. Kisiannili aamma suliffisuaqarnerup annertusiartornera ilutigalugu aamma ajutoortoqarlunilu mingutsitsisoqarnissaa ulorianarsiartuinnarpoq. Minnerunngitsumik uuliamik mingutsitsisoqarnerata kingorna issittumi pinngortitaq arriitsuinnarmik iluarsiartorsinnaammat tamanna aarlerinarluinnarpoq.

Imaani sikulimmi saliineq

Uuliamik mingutsitsisoqartillugu tamarmi salikkuminaattarpoq. Issittumilu pissutsit – anorersuartumi imaani sikulimmi mallit portulisartillugit sivisuumik kaperlattartumi - uuliamik mingutsitsisoqartillugu saliiniarnissaq immikkut akornutissaqarpoq.

Sukumiisumik saliinissamut ullumikkut teknologi naammanngimmat, uuliamik mingutsitsinaveersaarnissaq immikkut eqqumaffiginiarparput.

WWF-ip suliniutigaa, Issittumi aatsitassarsiornerni maleruagassat Issittumi Siunersuisooqatigiinnit aalajangersorneqartarnissaat.