Pinngortitami oqimaaqatigiinneq | WWF Denmark

Pinngortitami oqimaaqatigiinneq



Arktis Dyr Isbjørn Klimaforandringer Is rel=
Polar bear (Ursus maritimus); Russian Federation
© www.JSGrove.com / WWF

Suliariniagaq RACER

Silap pissussaata allanngoriartornerata kinguneranik ummassusillit ataqatigiiaat sorliit nungutaassappat – sorliillu allanngornerujussuaq aningorsinnaassavaat? WWF-ip issittoq pillugu suliariniagaani RACER-imi apeqqutit pingaarnerit tamanna ilagaat.
Suliariniakkami anguniagaavoq, issittumi uumassusillit ataqatigiiaat silap pissusaata allanngoriartorneranut akiuussinnaanerisa misissussornissaat.

RACER-imi siunertaq

Issittumi uumassusillit ataqatigiiaat akiuussinnaanerinut pissutaasut paasiniarnissaat siunertaavoq. Sumiiffiit assigiinngitsunik uumassuseqarfiunerpaat amerliartorfiunerpaallu immikkut eqqumaffigineqarput.

Issittumi uumasoqarfiusuni immikkuullarissuni uumasut naasullu – pinngortitallumi Issittumi inuit pinngitsoorsinnaanngisaata – piujuaannartinniarlugit immikkut illersorneqartariaqarnerat paasineqartariaqarpoq.

Tassunga atatillugu sumiiffiit uumasut kinguaassiorfigilluartagaat immikkut pingaaruteqarput, tamakkunani soorlu aalisagarpassuaqartarmat imaluunniit tuttorpassuaqarluni.

Kalaallit Nunaanni RACER-imut atatillugu misissuinerit marluk

Danmarkimi WWF, RACER-imut atatillugu Kalaallit Nunaanni marlunnik misissugaqarpoq: Kalaallit Nunaata kitaani pinngortitap imaani nunamilu misissornerat.

Sumiiffiit allanut sanilliullutik kinguaassiorfigineqarnerpaat misissorneqarlutillu sumiissusersineqaqqaassapput. Taava sumiiffiit kinguaassiorfigineqarnerpaat uumasoqarnerpaallu silap allanngoriartorneranik qanoq sunnerneqassanersut nalilersorneqassaaq. Sumiiffiit qanoq annertusiartorfiullutillu kinguaassiorfiutiginerat misissorneqassaaq. Tulliullugu nalilerneqassaaq, naggorillutillu kinguaassiorfigineqarnerpaat siunissami silap allanngoriartorneranik qanoq sunnerneqassanerasut.

RACER-imut atatillugu suliagut Mars Nordic-imit taperneqarput.